İlham Əliyev və Mehriban Əliyeva Litvanın keçmiş Prezidentinə başsağlığı
veriblər
Azərbaycan Prezidenti İlham Əliyev və Birinci vitse-prezident Mehriban Əliyeva
Litva Respublikasının keçmiş Prezidenti Zati-aliləri cənab Valdas Adamkusa
başsağlığı məktubu ünvanlayıb.
Məktubda deyilir:
“Zati-aliləri,
Həyat yoldaşınız, ömür-gün dostunuz Alma Adamkiyenenin vəfatı xəbərini dərin
kədər hissi ilə qarşıladıq.
Bu ağır itki ilə əlaqədar dərdinizi bölüşür, Sizə, ailənizin bütün üzvlərinə
dərin hüznlə başsağlığı verir, səbr diləyirik”.