İmişli şəhər stadionunda oyunların keçirilməsinə icazə verildi
Peşəkar Futbol Liqası (PFL) tərəfindən İmişli şəhər stadionuna baxış keçirilib.
PFL-in rəsmi saytının yaydığı məlumata görə, aparılan təmir və yenidənqurma
işlərindən sonra stadion I Divizion oyunlarını qəbul etmək üçün məqbul hesab
olunub.
“İmişli” sözügedən stadionda cari mövsümdə ilk ev oyununu aprelin 12-də
“Qarabağ-2” komandasına qarşı keçirəcək. Görüş saat 16:00-da start götürəcək.