Şimali Koreya lideri Kim Çen In və Rusiya xarici işlər naziri Sergey Lavrov yüksək səviyyəli görüşün keçirilməsi ilə bağlı razılığa gəliblər.
ÇıxışYolu.Com “RİA Novosti”yə istinadla xəbər verir ki, bununla bağlı məlumatı Şimali Koreyanın TSTAK dövlət agentliyi yayıb.
“Koreya-Rusiya arasında diplomatik əlaqələrin 70-ci il dönümünün qeyd olunduğu dövrdə strateji və ənənəvi münasibətlərin inkişafı üçün yüksək səviyyəli görüş barədə razılıq əldə olunub”, – Pxenyan bəyan edib.
Mayın 31-də keçirilən görüş zamanı Lavrov Kim Çen Inı Rusiyaya dəvət edib. Kim Çen dəvətə görə təşəkkürünü bildirib, salamlarını rus xalqına və Vladimir Putinə çatdırmağı xahiş edib.