İngiltərə Liqa Kubokunda dördüncü mərhələsində (1/8 final) gecənin son oyunu
baş tutub.
Cixisyolu.com xəbər verir ki, Londonda yerli “Tottenhem”lə “Mançester Siti”
qarşılaşıb.
Meydan sahibləri matça fəal başlayıblar. 5 və 25-ci dəqiqələrdə vurulan qollar
onların üstünlüyünü təmin edib. “Şəhərlilər” bu toplardan yalnız birinin
əvəzini çıxmağı bacarıblar – 2:1.
Bu nəticə ilə Pep Qvardiolanın komandası turnirlə vidalaşıb. “Tottenhem” isə
adını 1/4 finala yazdırıb.
02:00
İngiltərə Liqa Kubokunda dördüncü mərhələnin (1/8 final) oyunları keçirilib.
Cixisyolu.com xəbər verir ki, səfərdə “Brayton”la qarşılaşan “Liverpul” qol duelindən
qalib ayrılaraq adını 1/4 finala yazdırmağı bacarıb – 2:3.
Qakponun dublu bu işdə komandasına kömək edib.
“Mançester Yunayted” doğma azarkeşləri qarşısında “Lester”i darmadağın edib.
“Old Trafford”dakı matçda tamaşaçılar 7 qolun şahidi olublar – 5:2.
Kazemiro və Fernandeş dubla imza atıblar.
“Arsenal” aşağı liqa təmsilçisi “Preston”un qonağı olub. “Topçular”
gözlənildiyi kimi oyunda çətinlik çəkmədən qalib gəliblər – 0:3.
“Çelsi” səfərdə “Nyukasl” qarşısında aciz qalıb. “Zadəganlar” iki top
buraxaraq turnirlə vidalaşıblar – 2:0.