İqtisadiyyat sahəsində bir çox Nobel mükafatları laureatlarının müəllimi vəfat
etdi
Bizim WhatsApp kanalımıza buradan abunə ola bilərsiniz
Amerikalı iqtisadçı və iqtisadiyyat üzrə Nobel mükafatı laureatı Robert Solou
99 yaşında vəfat edib.
Bu barədə onun oğlu xəbər verib.
Alim Massaçusets ştatının Leksinqton şəhərindəki evində dünyasını dəyişib.
Solou 1987-ci ildə “iqtisadi inkişaf sahəsində fundamental tədqiqatlarına
görə” iqtisadiyyat üzrə Nobel mükafatına layiq görülüb. Onun 1956-cı ildə
təklif etdiyi iqtisadi artım modelində kapitalın və mənfəətin artması deyil,
texnoloji tərəqqi və əhalinin artımı iqtisadi inkişafın əsas hərəkətverici
qüvvəsi kimi göstərilmişdi. Həmin vaxtlar bu, elmi ictimaiyyətdə formalaşmış
baxış bucağına zidd idi.
Solou modeli göstərdi ki, qənaət və investisiyaların artması ümumi istehsalın
artmasına səbəb olur, lakin bu, iqtisadiyyatın uzunmüddətli artım tempinə
texnoloji inkişaflarla eyni dərəcədə təsir göstərmir.
Solou Massaçusets Texnologiya İnstitutunda işlədiyi illərdə heyrətləndirici
sayda gələcək məşhur iqtisadçıların, o cümlədən Nobel mükafatı laureatları olan
Piter Daymond, Cozep E.Stiqlitz, Uillyam D.Nordhaus və Corc A.Akerlofun
karyerasının başlamasına kömək edib.
Mənbə: Rbc.ru