İrəvanda etirazçılar ayağa qalxdılar: Yüz əllidən çox saxlanılan var –
YENİLƏNİB + FOTO/VİDEO
Bizim WhatsApp kanalımıza buradan abunə ola bilərsiniz
İrəvanın mərkəzində vətəndaş itaətsizliyi aksiyasına qatılan nümayişçilərdən
151-i saxlanılıb.
Bu barədə Ermənistan Daxili İşlər Nazirliyi məlumat yayıb.
Aksiyaların əsas təşkilatçısı hesab olunan “Vətən üçün Tavuş” hərəkatının
rəhbəri, keşiş Baqrat Qalstyan isə saxlanılanların sayının 177 nəfər olduğunu
bildirib.
11:02
Ermənistan paytaxtında keçirilən aksiyada saxlanılanların sayı 134 nəfərə
çatıb.
Bu barədə Ermənistan Daxili İşlər Nazirliyi məlumat verib.
Məlumatda həmçinin qeyd olunur ki, nümayişçilər İrəvanın müxtəlif polis
bölmələrində saxlanılırlar.
10:22
İrəvanda bu gün səhər saatlarından başlayan etiraz aksiyalarında ümumilikdə 88
nəfər nümayişçi saxlanılıb.
Bu barədə Ermənistanın Daxili İşlər Nazirliyinin Mətbuat Xidməti məlumat yayıb.
İdarədən bildirilib ki, hazırda paytaxtda bağlı küçə yoxdur.
09:08
Bu gün səhər saatlarından etibarən İrəvanda vətəndaş itaətsizliyi aksiyaları
başlayıb.
Bir qrup etirazçı paytaxtda yollar bağlamağa başlayıblar.
KİV-in məlumatına görə, artıq saxlanılanlar var.
Qeyd edək ki, bu gün Ermənistan paytaxtında yerləşən Respublika meydanında
delimitasiya əleyhinə növbəti etiraz aksiyasının keçiriləcəyi gözlənilir.
Mənbə: Sputnik Ermənistan