İsmayıllıda 24 yaşlı oğlan tüfənglə özünü öldürüb
Bu gün İsmayıllı rayonunun Talıstan kəndində intihar hadisəsi baş verib.
“Report”un Yuxarı Şirvan bürosu xəbər verir ki, kənd sakini, 1999-cu il
təvəllüdlü Musayev Məhəmməd Mütəllim oğlu yaşadığı evdə ov tüfəngindən özünə
atəş açıb.
Baş nahiyəsindən güllə yarası alan M.Musayev hadisə yerində dünyasını dəyişib.
Hazırda rayonun hüquq-mühafizə orqanlarının əməkdaşları hadisə yerindədir.
M.Musayevin özünə qəsd etməsinin səbəbi hələlik bilinmir.
Faktla bağlı İsmayıllı Rayon Prokurorluğunda araşdırma aparılır.