Qəzza zolağı ilə İsrail sərhədində ötən gün baş vermiş toqquşmalarda “şəfqət mələyi” kimi tanına Fələstindən olan könüllü həkim Rəzan Əşrəf ən Nəcar həlak olub.
ÇıxışYolu.Com xəbər verir ki, bu haqda “Anadolu” agentliyi məlumat yayıb.
Fələstin rəsmiləri hadisənin Xan Yunus şəhərində baş verdiyini bildirir. İsrail hərbçiləri fələstinli etirazçıları atəşə tutan zaman həkim ölümcül güllə yarası alıb.
Həmkarlarının dediyinə görə, gənc qadın İsrail sərhəddindən 50 metr aralıda yaralanmış etirazçıya ilkin yardım göstərən zaman vurulub.
Həmin gün fədakar Rəzan beş yaralının həyatını xilas edib.
Gənc həkim iki aydan çoxdur ki, Qəzzada yaralanan fələstinlilərə ilkin yardım göstərirdi.
