İsrail Müdafiə Ordusu 24 saat ərzində HƏMAS-ın 400-dən çox obyektinə zərbə
endirib
Bizim WhatsApp kanalımıza buradan abunə ola bilərsiniz
Son 24 saat ərzində İsrail müdafiə ordusu (SAXAL) HƏMAS-ın 400-dən çox
obyektinə zərbə endirib və bu radikal Fələstin hərəkatının bir neçə komandirini
məhv edib.
Bu barədə ordu mətbuat xidmətinin “Telegram” kanalında məlumat verilib.
“Son 24 saat ərzində İsrail müdafiə ordusu terrorçuların 400-dən çox obyektinə
zərbələr endirib və HƏMAS-ın bir neçə komandiri və hücumlar hazırlayan çoxlu
sayda yaraqlını məhv edib”, – deyə bəyanatda bildirilir.
İsrail ordusunun verdiyi məlumata görə, HƏMAS-ın terror aktları həyata
keçirmək imkanlarını aradan qaldırmaq üçün genişmiqyaslı əməliyyat zamanı
müdafiə ordusu İsrail xəttinin arxasında raket zərbələri endirməyə və terror
aktları həyata keçirməyə hazırlaşan onlarla HƏMAS yaraqlısına zərbələr endirib.
Həmçinin qeyd olunur ki, son 24 saat ərzində SAXAL döyüşçüləri Şücəyyə, Şati,
Cəbəliyyə, Dərac Tuffa və Zəytun bölgələrində onlarla terror infrastrukturu və
HƏMAS mövqelərinə zərbələr endirib.
Bundan əlavə, SAXAL-ın təyyarəsi HƏMAS yaraqlılarının sahil xəttinə sürətli
çıxışını təmin edən tunelə zərbə endirib. Xəbərdə deyilir ki, İsrail aviasiyası
HƏMAS-ın komanda mərkəzlərinə və məscidlərdəki dayaq məntəqələrinə də hücum
edib. Zərbə nəticəsində “Nuseyrat”, “Şati” və “Furqan” batalyonlarının komandir
müavinləri məhv edilib.
Mənbə: TASS