İstanbul nəhəngi seçim qarşısında: “Borussiya”nın məşqçisi yoxsa, Qurban
Qurbanov?
Bizim WhatsApp kanalımıza buradan abunə ola bilərsiniz
“Beşiktaş”ın baş məşqçisi Fernando Santosun klubda gələcəyi sual altına
alınıb. Son dörd oyunda üç məğlubiyyət, bir heç-heçə edən “qara qartal” həm
azarkeşləri, həm də rəhbərliyi hiddətləndirib.
Santos bura layihə üçün gəldiyini, “Beşiktaş”ın növbəti mövsümünü
planlaşdırdığını desə də, hazırda rəhbərliyin ona olan güvəni tamamilə azalıb.
Mövsümün sonunda portuqaliyalı məşqçiyə əvəzləyici axtarışına başlanılıb. Klub
Fernando Santosla ən geci mayda yollarını ayıracaq.
“Beşiktaş”da Fernando Santosun yerinə baş məşqçi postuna iki namizəd önə
çıxır. Bunlardan birincisi Bundesliqa təmsilçisi Dortmund “Borussiya”sının
məşqçisi və mövsümün sonunda Almaniya komandasını tərk edəcəyi gözlənilən Edin
Terziçdir.
Namizədlərdən digəri isə “Qarabağ”da və Azərbaycan futbolunda iz qoyan,
Avropada adından söz etdirən 51 yaşlı azərbaycanlı məşqçi Qurban Qurbanovdur.
Mənbə: Sabah.com.tr