Şirvanda 15 yaşlı oğlanı avtomobil vurub.
ÇıxışYolu.Com-ın Aran bürosunun məlumatına görə, hadisə saat 20.00 radələrində Heydər Əliyev prospektində baş verib.
Şirvan sakini, 2004-cü il təvəllüdlü Bayramov İslam Vahid oğlu it hücumuna məruz qalıb. Avtomobil yoluna qaçan yeniyetməni “Pajero” markalı minik maşını vurub.
Xəsarət alan yeniyetmə sürücü tərəfindən Şirvan şəhər mərkəzi xəstəxanasına çatdırılıb. Onun yüngül xəsarət aldığı bildirilir.
Faktla bağlı araşdırma aparılır.