Keçmiş məhkumlar Bakıda sürücünü kəsici alətlə hədələyərək pulunu taladılar
Bizim WhatsApp kanalımıza buradan abunə ola bilərsiniz
Qaraçuxur qəsəbəsi ərazisində noyabrın 15-də səhər saatlarında “Toyota”
markalı avtomobildə iki nəfərin sürücünü kəsici alətlə hədələyərək quldurluq
yolu ilə pulunu talamaları barədə polisə məlumat daxil olub.
Bunu Daxili İşlər Nazirliyi (DİN) məlumat yayıb.
Bildirilib ki, Suraxanı Rayon Polis İdarəsinin 32-ci Polis Bölməsi
əməkdaşlarının keçirdikləri tədbirlər nəticəsində cinayət əməlini törətməkdə
şübhəli bilinən Bakı şəhər sakinləri, əvvəllər oğurluq və narkotiklərlə əlaqəli
cinayətlərə görə məhkum olunmuş 1985-ci il təvəllüdlü Tural Xəlilov və əvvəllər
soyğunçuluğa görə məhkum olunmuş 2001-ci il təvəllüdlü Sənan Məmmədov müəyyən
olunaraq saxlanılıblar.
Faktla bağlı araşdırma aparılır.