Sosial şəbəkələrdə müğənni Areta Franklinin dəfn mərasimində keşiş Çarlz Ellisonun ifaçı Ariana Qrandeyə qarşı hərəkətlərinin əks olunduğu video müzakirə mövzusu olub.
ÇıxışYolu.Com-ın məlumatına görə, videodan da aydın görünür ki, keşiş Ariana Qrandenin sinəsinə toxunur.
İfaçının pərəstişkarları sosial şəbəkədə #RespectAriana (Arianaya hörmət et) heşteqini yaradıblar.
Onlar qadınların hüquq və azadlığı üçün mübarizə aparan A.Franklinin dəfn mərasimində belə hadisənin baş verməsindən təəssüfləndiklərini bildiriblər.
Qeyd edək ki, Areta Franklin avqustun 16-da 76 yaşında vəfat edib.