Bu gün Azərbaycanda 2017/18 mövsümü rəsmən başa çatıb.
ÇıxışYolu.Com-ın xəbərinə görə, mövsümün son görüşündə “Keşlə” və “Qəbələ” klubları ölkə kubokunun finalında üz-üzə gəliblər. Oyundan əvvəl keçirilən açılış mərasimində məşhur müğənni Seeya mahnı oxuyub.
Oyuna gəlincə, Qəbələ şəhər stadionunda keçirilən görüşdə “Keşlə” meydan sahiblərinə 1:0 hesabı ilə qalib gəlib. Yeganə qolu 71-ci dəqiqədə Pərdis Fərcad-Azad vurub. 89-cu dəqiqədə isə “Qəbələ”nin müdafiəçisi İlqar Qurbanov qırmızı vərəqə ilə meydandan qovulub.
Beləliklə, “Keşlə” bu qələbə ilə tarixində ilk dəfə bu turnirin qalibi olub. Qəsəbə komandası bu zəfərlə həm də UEFA Avropa Liqasında Azərbaycanı təmsil etmək hüququ əldə edib.
Səbuhi TOFİQOĞLU
www.ÇıxışYolu.Com