Kevin Maqnussen: “Bakı trekində baş verəcəkləri səbirsizliklə gözləyirəm”
“Bakı trekində baş verəcəkləri səbirsizliklə gözləyirəm”.
Cixisyolu.com-ın məlumatına görə, bunu “Formula-1” üzrə dünya çempionatında çıxış
edən “Haas” komandasının pilotu Kevin Maqnussen Azərbaycan Qran-prisi ilə bağlı
danışarkən deyib.
31 yaşlı sürücü sprint yarışında edilən yeniliklərin azarkeşlərə daha
həyəcanlı təcrübə yaşadacağını söyləyib:
“Qran-prinin asan olacağını düşünmürəm və müəyyən mənada təzyiq də hiss
edirəm”.
“Mclaren”in pilotu Lando Norris isə Azərbaycana texniki yeniliklərlə
gəldiklərini vurğulayıb:
“Ümid edirəm ki, həftəsonunu yaxşı xallarla başa vuracağıq. Hazırkı format
sprint yarışı üçün daha yaxşıdır. Biz də maksimum nəticə əldə etməyə
çalışacağıq”.
Qeyd edək ki, bu gün “Formula-1”də sərbəst yürüş və sıralama turu
gerçəkləşəcək. Bakıda əsas yarış aprelin 30-da baş tutacaq.