KİV: HƏMAS yaraqlıları 100 qadın və uşaqdan canlı sipər kimi istifadə ediblər
Bizim WhatsApp kanalımıza buradan abunə ola bilərsiniz
Fələstinin radikal HƏMAS hərəkatı Cəbəliyə bölgəsindəki bazası üçün İsrail
Müdafiə Ordusu (SAXAL) ilə döyüşlər zamanı 100-ə yaxın qadın və uşaqdan canlı
sipər kimi istifadə edib.
Verilən məlumata görə, İsrailin “Givati” piyada briqadasının əsgərləri Qəzza
zolağında Cəbəliyə yaxınlığında HƏMAS-ın 17-ci elit briqadasının bazası uğrunda
döyüş zamanı ağlasığmaz vəziyyətin şahidi olublar.
SAXAL nümayəndəsinin sözlərinə görə, 100-ə yaxın qadın və uşaq silahlılar
tərəfindən canlı qalxan rolunu oynamağa məcbur ediliblər.
“Biz mülki şəxslərdən bu cür etinasız və qəddar istifadə halları ilə
üzləşəcəyimizə hazırıq”, – deyə İsrail hərbiçisi bildirib.
Qeyd edək ki, daha əvvəl İsrail Müdafiə Ordusunun rəsmi nümayəndəsi Daniel
Haqari də HƏMAS-ın mülki əhalidən canlı qalxan kimi istifadə etdiyini bildirib
və bir daha Qəzza zolağının əhalisini öz təhlükəsizlikləri üçün döyüş
bölgəsindən çıxmağa çağırıb.
Mənbə: TASS