Konfrans Liqası: “Qarabağ” Belçika klubuna qarşı
Bu gün UEFA Konfrans Liqasında pley-off mərhələsinə start veriləcək.
Cixisyolu.com xəbər verir ki, turnirdəki yeganə təmsilçimiz “Qarabağ” da bu mərhələdə
ilk matçına çıxacaq.
Qurban Qurbanovun yetirmələri Belçika “Gent”ini qəbul edəcək. Bakı vaxtı ilə
21:45-də başlayacaq görüş Tofiq Bəhramov adına Respublika stadionunda
keçiriləcək.
“Köhlən atlar” bu vacib matça ciddi itkilərlə çıxacaq. Əsas qapıçı Şahruddin
Məhəmmədəliyev və müdafiəçi Abbas Hüseynov zədə səbəbindən bu oyunu buraxacaq.
Mərkəz müdafiəçisi Kevin Medina isə cəzalı durumda olduğundan komandasına kömək
edə bilməyəcək.
Qeyd edək ki, komandalar arasında cavab matçı fevralın 23-də Belçikada
keçiriləcək.
16 fevral
UEFA Konfrans Liqası
Pley-off
21:45. “Qarabağ” (Azərbaycan) – “Gent” (Belçika)
Hakimlər: Mohammed Al-Hakim, Fredrik Klyver, Robin Vilde (İsveç)
Bakı, Tofiq Bəhramov adına Respublika stadionu.