Latviyanın Dövlət Vergilər Xidmətinin rəhbəri İlze Sirule martın 10-da ölü tapılıb.
ÇıxışYolu.Com RİA Novosti-yə istinadla verdiyi xəbərə görə, bu haqda ölkənin Polis İdarəsinin məlumatında bildirilir:
“Sirulenin cəsədi şənbə günü səhər yaşadığı yerdə tapılıb”.
İlkin məlumatlara görə, cəsəddə heç bir zorakılıq əlamətləri aşkar edilməyib”.
Tibbi-ekspertiza təyin edilib.
Baş nazir Maris Kuçinskis baş vermiş hadisəni maliyyə naziri Dana Reyzniese-Ozola ilə müzakirə edib. Hökumət başçısı Sirulenin ailəsinə başsağlığı verib.
Qeyd edək ki, İ.Sirule Vergilər Xidmətinin rəhbəri vəzifəsinə namizədliyi maliyyə naziri Dana Reyzniese-Ozola tərəfindən irəli sürülmüşdü. O, bu vəzifəyə rəsmi olaraq 2016-cı ilin noyabrında gəlib. Sirule evli idi, iki övladı vardı.