Belarus prezidenti Aleksandr Lukaşenko ölkəsinin KİV nümayəndələri ilə söhbət zamanı bildirib ki, “Minsk Rusiyanın çörəyini yeyən müftəxor deyil”.
Onun sözlərinə görə, Rusiyanın Ermənistana və Vyetnama daha az faiz dərəcəsi ilə verdiyi kreditlər də bunu sübut edir.
“Bəsdir, bizi müftəxorluqda ittiham etdiniz. Biz heç vaxt parazit olmadıq, olmayacağıq. Mən qürurlu insanam, belə halları görəndə heç bir müttəfiqlik arzum qalmır”,- deyən dövlət başçısı bildirib ki, Rusiya Atom Elektrik Stansiyasının tikintisi üçün Belarusa krediti 4,8%-lə, Vyetnam və Ermənistana isə silah almaq üçün 3% dərəcəsi ilə verib.
“Nə üçün? Niyə Avropa və Çin bizə 2 % – lə kredit verir, Amma Rusiya yox? Buna nə ad vermək olar?
Qeyd edək ki, bu yaxınlarda Ermənistanın Ruisyadan 12 qırıcı təyyarə alması üçün tərəflər arasında 100 milyon dollar məbləğində kredit razılaşması əldə olunub.