“MədəniyyətimİZ” layihəsinin növbəti qonağı Baba Vəziroğlu olacaq
Bizim WhatsApp kanalımıza buradan abunə ola bilərsiniz
“İRƏLİ” İctimai Birliyinin təşkilatçılığı, Azərbaycan Respublikası Mədəniyyət
Nazirliyinin dəstəyi ilə həyata keçirilən “MədəniyyətimİZ” layihəsinin növbəti
qonağı Əməkdar incəsənət xadimi, şair Baba Vəziroğlu olacaq.
Birliyin Mətbuat Xidmətindən Cixisyolu.com-a məlumat verilib ki, tədbir 7 dekabr,
saat 15:00-da Azərbaycan Dövlət Teatr Muzeyində keçiriləcək.
Ümummilli lider Heydər Əliyevin anadan olmasının 100-cü ildönümünə həsr
olunmuş tədbirlər proqramı çərçivəsində həyata keçirilən görüşdə Azərbaycan
ədəbiyyatı və şeiriyyətinin inkişafı, müasir ədəbi dəyərlər kontekstində tarixi
ənənələrin yaşadılması, şərq və qərbin poeziyası, eləcə də, Baba Vəziroğlunun
ümummilli lider Heydər Əliyevlə bağlı olan zəngin xatirələrindən bəhs ediləcək.
Tədbir müddətində, həmçinin, “Azərbaycan ədəbiyyatının inkişafında Heydər
Əliyev amili”, “Mədəniyyətimizin yaşadılması, inkişafı və təbliğində Azərbaycan
dili və ədəbiyyatın rolu” və “Ədəbi mühitdə yeni, innovativ yanaşmalar:
Yaradıcı sənayenin inkişafı kontekstində müasir yazarlıq ənənələrinə baxış”
mövzularında panel müzakirələrin keçirilməsi nəzərdə tutulur.
Tədbirin bədii hissəsində Azərbaycan Milli Konservatoriyasının tələbələrinin
ifasında müxtəlif musiqi nümunələri təqdim ediləcək.
Qeyd edək ki, “MədəniyyətimİZ” layihəsinin əsas məqsədi “Heydər Əliyev İli”
çərçivəsində ümummilli lider Heydər Əliyevin həyat fəaliyyətinin öyrənilməsi,
habelə ölkə mədəniyyətinin inkişafı istiqamətində gənclərin iştirakçılığını
artırmaqdır.
Görüşdə iştirak etmək istəyən gənclər aşağıdakı link vasitəsilə qeydiyyatdan
keçə bilərlər:https://shorturl.at/hkrvG