Azərbaycan və Rusiya XİN-nin rəhbərləri Elmar Məmmədyarov və Sergey Lavrov arasında telefon danışığı olub.
ÇıxışYolu.Com TASS-a istinadən xəbər verir ki, nazirlər Xəzəryanı dövlətlərin beşinci sammiti ilə bağlı sənədlərin hazırlanması üzrə aparılan işlərin gedişini müzakirə edib.
“Xəzəryanı dövlətlərin xarici işlər nazirlərinin 5 dekabr 2017-ci ildə Moskvada keçirilən toplantısında əldə olunmuş razılaşmalar kontekstində, nazirlər Beşinci Xəzər sammitinin sənədləri üzrə işlərin gedişatını müzakirə edib.
Tərəflər Xəzər dənizinin statusu barədə Konvensiyanın imzalanacağı gözlənilən beştərəfli zirvə toplantısının vacibliyi ilə bağlı ortaq fikir ifadə edib” deyə Rusiya XİN-nin məlumatında qeyd olunur.