“Mərmər soyuğu” filmi “ARCTIC OPEN” festivalında – FOTO

“Mərmər soyuğu” filmi “ARCTIC OPEN” festivalında – FOTO
Bizim WhatsApp kanalımıza buradan abunə ola bilərsiniz

Azərbaycan Respublikası Mədəniyyət Nazirliyinin dəstəyi ilə “Azərbaycanfilm”
kinostudiyası, İctimai Televiziya, Bakı Media Mərkəzi və Fransanın “Arizona
Films” şirkətlərinin birgə istehsalı olan “Mərmər soyuğu” bədii filmi 7-10
dekabr 2023-cü il tarixlərində Rusiya Federasiyasının Arxangelsk şəhərində
keçiriləcək VII Beynəlxalq “Arctic Open” Film Festivalında iştirak edəcək.

“Mərmər soyuğu” festivalın tammetrajlı filmlər bölməsinə qəbul edilən 11
filmdən biridir.

Filmin baş prodüseri Arzu Əliyeva, rejissoru Asif Rüstəmov, ssenari
müəllifləri Asif Rüstəmov və Roelof Jan Minneboo, quruluşçu operatorları Oktay
Namazov və Adil Abbasov, quruluşçu rəssamı isə Rafiq Nəsirovdur. Prodüserlər
Fariz Əhmədov, Orman Əliyev və Giyom de Seil, kreativ prodüser isə İradə
Bağırzadədir. Baş rollarda Elşən Əsgərov, Natavan Abbaslı və Xalq artisti
Qurban İsmayılov çəkiliblər.

Uğursuz rəssam və sevgilisinin qarışıq münasibətlərindən bəhs edən filmdə
həbsdən evə qayıdan ata oğlunun həyatına müdaxilə etməyə çalışır.

Qeyd edək ki, film dünya premyerasını 2022-ci ilin noyabr ayında PÖFF Tallin
Qara Gecələr Film Festivalında edib.

Filmin festival səhifəsi: