Məşhur klub aşağı liqaya salına bilər
Portuqaliyanın “Benfika” klubu ağır cəza ilə üz-üzədir.
Ölkə prokurorluğu Lissabon təmsilçisi ilə bağlı araşdırmalara başlayıb. Klub
oyun alverində ittiham olunur. Məlumata görə, “Benfika” 2016-19-cu illərdə altı
matçın nəticəsini əvvəlcədən müəyyənləşdirmək üçün rəqib komandaların
futbolçularına pul ödəyib.
Bundan başqa, klubun “Portu” və “Sportinq”lə üz-üzə gələn komandaları yaxşı
nəticəyə təşviq etmək üçün ödənişlər etdiyi bildirilir.
İddialar sübuta yetirilsə, “Benfika” ağır cəzaya məruz qalacaq. Hətta klubun
aşağı liqaya salınması da mümkündür.