Mətanət Əsədova: “Dünyada mənim qədər bədbəxt xanım yoxdur”
Bizim WhatsApp kanalımıza buradan abunə ola bilərsiniz
“Dünyada mənim qədər bədbəxt xanım yoxdur. Kimsə bunu məsxərəyə çevirə bilər,
məni sevməyən zövq ala bilər”.
Bu sözləri “Rəngarəng səhər” verilişində müğənni Mətanət Əsədova deyib.
O vurğulayıb ki, özünü xoşbəxt saymır:
“Amma bu dünyada nifrət etdiyim, küsdüyüm, düşmən olduğum insan yoxdur. Yalnız
inciyə bilərəm. İncikliyim barədə ona nəsə demərəm, bu ürəyimdə yara kimi
sızıldayar. Kiməsə pis gün arzulayan insan deyiləm, istəyərəm hamının üzü
gülsün, hər kəsə var-dövlət versin. Mənə də Allah gözünün ucu ilə baxsın.
Allahım, səni sevirəm, 24 saat səninləyəm. İstədiyin vaxt canımı ala bilərsən.
Bir xanım, insan kimi xoşbəxt deyiləm. Bədbəxtəm. Bunu mən deyirəm, kimsə
demir. Sənin gözlərin kövrəlir, mənim ürəyimin gözü ağlayır. Məni uşaqlar,
qocalar evlərinə dəvət edirlər. Deyirəm, siz istəyirsiniz ki, mənim oradan
meyitim çıxsın? İnsan bir ana-atanı necə ata bilər. Bir övlad orada necə qala
bilər. Həddindən artıq kövrək insanam”.