Almaniya Kansleri Angela Merkel Berlində öldürülən Gürcüstan vətəndaşı ətrafında spekulyasiyadan çəkinməyi məsləhət bilib.
Bu barədə “İnterfaks” agentliyi məlumat verir.
“Siz də eşitdiniz ki, Almaniya Baş Prokurorluğunda ilkin şübhələr var və mən hesab edirəm ki, spekulyativ suallara cavab verməyin mənası yoxdur. Biz Baş Prokurorluğun nəticələrini gözləməliyik”, – deyə xanım kansler baş verən hadisədən sonra digər ölkələrlə birgə Rusiyaya qarşı tədbirlərin görüləcəyi haqda suala cavab verərkən bildirib.
A.Merkel həmçinin qeyd edib ki, Rusiya ilə münasibətlərin tənzimlənməsində Almaniya öz fəaliyyətini heç bir ölkə ilə razılaşdırmır.
Xatırladaq ki, avqustun 23-də Berlində parkda çeçen mənşəli Gürcüstan vətəndaşı, Aslan Məshədov və Şamil Basayevin yaxın tərəfdarı Zəlimxan Xanqoşvili killer tərəfindən öldürülmüşdü.