İspaniya La Liqasının 25-ci turunda “Barselona” səfərdə “Sevilya”nı məğlub edib.
ÇıxışYolu.Com xəbər verir ki, görüş qonaqların 4:2 hesablı qələbəsi ilə başa çatıb.
“Barselona”nın heyətində Lionel Messi het-trikə (26, 67 və 85 dəq.) imza atıb. Qonaqların heyətində həmçinin Luis Suarez fərqlənib. Meydan sahiblərinin qollarını isə Xesus Navas və Qabriel Merkado vurub.
Bu qələbə sayəsində “Barsa” xallarının sayını 57-yə çatdıraraq turnir liderliyini qoruyub saxlayır.