Milli Qəhrəman Riad Əhmədovun adını indi nəvəsi daşıyır – VİDEO
“Müharibə başlanandan Riad evdə tapılmırdı. Öz döyüş yoldaşları ilə birgə
rayonları, kəndləri erməni işğalçılarından azad edirdi”.
Bu sözləri Azərbaycanın Milli Qəhrəmanı Riad Əhmədovla keçirilən vida
mərasimində bacısı Mehriban Əhmədova söyləyib.
“Anamızın gözü yolda, qulağı səsdə qaldı. Bəlkə, sağdır, bəlkə, qayıdacaq. Hər
dəfə qapının zəngi çalınanda biz elə bilirdik ki, Riaddır. 2013-cü ildə mənim
anam – Bahar xanım Riaddan çox nigaran vəfat etdi.
Onun qızı Leyla atasına ağlaya-ağlaya cavabsız məktublar yazırdı. Riada
oxşayan digər kiçik qızı Fərizə isə öz oğluna atasının adını qoydu”, – deyə
M.Əhmədova qeyd edib.