Ukraynanın paytaxtı Kiyevdə keçirilən minifutbol üzrə IX Avropa çempionatı başa çatıb.
ÇıxışYolu.Com xəbər verir ki, millimizin də ilk dəfə qatıldığı qitə birinciliyində medalların sahibi müəyyənləşib.
III yer uğrunda görüşdə 2016-cı ilin Avropa çempionu Qazaxıstan millisi İngiltərəyə 2:0 qalib gəlib və ilk dəfə bürünc medal qazanıb.
Finalda isə millimizin qrupunda yer almış və II yerlə 1/4 finala vəsiqə qazanmış son dünya çempionu Çexiya yeddiqat Avropa çempionu Rumıniya ilə görüşüb. Kiyevə yağış yağdığından, matçın sürüşkən qazonda keçirilməsi sual altında olsa da, təşkilatçılar oyunun başlamasına qərar verib. Nəticədə çexlər 4:1 hesabı ilə qalib gələrək, dünyadan sonra Avropa çempionluğunu da qazanmaqla qızıl dubl ediblər.
Qeyd edək ki, millimiz bu turnirdə D qrupunda mübarizə aparıb. Komandamız Macarıstana (0:1), Çexiyaya (1:2) və Serbiyaya (1:2) minimal hesabla məğlub olub. Yeganə qələbəmiz autsayder qardaş Türkiyə üzərində olub – 6:2.
Səbuhi MUSAYEV
www.ÇıxışYolu.Com