Gənclər və İdman Nazirliyi və Azərbaycan Kanoe və Avarçəkmə Federasiyasının
birgə təşkilatçılığı ilə keçirilən “Mingəçevir Reqatası-2024” beynəlxalq
turnirində ilk günün yarışları davam edir.
Cixisyolu.com xəbər verir ki, “Kür” Olimpiya Tədris-İdman Mərkəzində baş tutan
reqatanın ilk günündə komandamız yeddi medal qazanıb.
Cavid Vəlizadə birnəfərlik kanoe qayığında 2008-2009-cu il təvəllüdlü
idmançıların 1000 metr məsafədə mübarizəsində üçüncü yer tutub.
Daha öncə Amil Ramazanov finiş xəttinə hamıdan tez çatıb. O, 2006-2007
təvəllüdlü idmançıların 500 metr məsafəyə kayak üzrə mübarizəsində birinci olub.
Bu növdə eyni məsafəyə 2008-2009 təvəllüdlü idmançılardan Əlimurad Hacızadə
gümüş, 2008-2009 təvəllüdlülərdən Niyaz Məlikov – Elvin Əliyev cütlüyü bürünc
mükafat əldə edib.
2006-2007 təvəllüdlü idmançıların 1500 metr məsafəyə akademik avarçəkmə üzrə
mübarizədə Nurlan Paşayev qızıl, Cahangir Məmmədli gümüş, Məhəmməd Niftullayev
bürünc medal qazanıb.
Qeyd edək ki, “Mingəçevir reqatası-2024” beynəlxalq turniri oktyabrın 18-də
başa çatacaq.
12:46
Azərbaycan təmsilçisi Amil Ramazanov “Mingəçevir reqatası-2024″də qızıl medal
qazanıb.
Cixisyolu.com xəbər verir ki, o, 2006-2007 təvəllüdlü idmançıların mübarizəsində 500
metr məsafəyə akademik avarçəkmə növündə birinci olub.
Ramazanov məsafəni 2 dəqiqə, 4.88 saniyəyə qət edib.
Bu növdə eyni məsafəyə 2008-2009 təvəllüdlü idmançılardan Əlimurad Hacızadə
gümüş, 2008-2009 təvəllüdlülərdən Niyaz Məlikov – Elvin Əliyev cütü bürünc
mükafat əldə edib.
10:08
Bu gün akademik avarçəkmə, kayak və kanoe üzrə beynəlxalq “Mingəçevir
reqatası-2024″ə start veriləcək.
Cixisyolu.com xəbər verir ki, turnir Mingəçevirdə “Kür” Olimpiya Tədris-İdman
Mərkəzində başlayacaq.
Yarışda 12 ölkədən 100-dək idmançı mübarizə aparacaq. Füzuli şəhərinin
işğaldan azad olunması günü ilə əlaqədar oktyabrın 17-də Füzulidə Aşağı
Köndələnçay su anbarında reqatanın rəsmi açılış mərasimi baş tutacaq.
Qeyd edək ki, oktyabrın 18-də Mingəçevirdə “Kür” Olimpiya Tədris-İdman
Mərkəzində final yarışları və bağlanış mərasimi keçiriləcək.
Anar Həsənov