Mingəçevirdə iki avtomobil toqquşdu: Ölən və yaralananlar var
Mingəçevir şəhərində yol-nəqliyyat hadisəsi baş verib, bir nəfər ölüb, üç
nəfər yaralanıb.
Bu barədə Cixisyolu.com-a DİN-in Mətbuat Xidmətinin Şəki regional qrupundan məlumat
verilib.
Bildirilib ki, yanvarın 13-ü axşam saat 18 radələrində Mingəçevir şəhərinin
Samux küçəsində Ülvi Hətəmovun idarə etdiyi “Mercedes” və Əhməd Əhmədovun idarə
etdiyi “QAZ-3110” markalı avtomobillər toqquşub. Nəticədə hər iki sürücü, eləcə
də nəqliyyat vasitələrində olan iki sərnişin müxtəlif dərəcəli bədən
xəsarətləri alıblar.
Sonradan “QAZ-3110” markalı avtomobildəki sərnişinlərdən biri, 1983-cü il
təvəllüdlü şəhər sakini Azər Manafov aldığı xəsarətlərdən hadisə yerində ölüb.
Faktla bağlı araşdırma aparılır.