Ağcabədi rayonunda iki nəfərin xəsarət alması ilə nəticələnən yol-nəqliyyat hadisəsi baş verib
ÇıxışYolu.Com-ın Qarabağ üzrə bölgə müxbirinin verdiyi məlumata görə, hadisə rayonun Hindarx qəsəbəsində qeydə alınıb.
Minik avtomobili traktorla toqquşub. Nəticədə minik avtomobilinin sürücüsü və sərnişin müxtəlif dərəcəli bədən xəsarətləri alıb. Yaralılar – Elvin Aslanov və Pərviz Məmmədzadə əvvəlcə Ağdam rayon mərkəzi xəstəxanasına yerləşdiriliblər. Vəziyyətləri ağır olduğu üçün sonradan Bərdə rayon mərkəzi xəstəxanasının travmatologiya şöbəsinə göndəriliblər.
Faktla bağlı rayon polisi araşdırma aparır.