MN: “Yaralanan hərbçilərimizə sülhməramlıların yardım göstərməsi xəbəri
yalandır”
“İnsident nəticəsində yaralanan hərbi qulluqçularımıza Rusiya sülhməramlı
kontingentinin nümayəndələri tərəfindən ilkin tibbi yardımın göstərilməsi və
təxliyə edilməsi barədə yayılan məlumat həqiqəti əks etdirmir”.
Bu barədə Azərbaycan Müdafiə Nazirliyinin məlumatında qeyd olunub.
“Silah-sursatla tam təchiz olunmuş bu hərbi qulluqçuların “pasport və viza”
xidməti həyata keçirən polis əməkdaşları kimi təqdim edilməsi riyakarlıqdan
başqa bir şey deyildir”, – nazirlikdən vurğulanıb.