Müdafiə naziri türkiyəli həmkarı ilə görüşüb – FOTO

Müdafiə naziri türkiyəli həmkarı ilə görüşüb – FOTO

Baxış sayı: 2. 676 dəfə baxılıb.

Ankarada rəsmi səfərdə olan Azərbaycan Respublikasının müdafiə naziri, general-polkovnik Zakir Həsənov martın 29-da Türkiyə Respublikasının milli müdafiə naziri Nurəddin Canikli ilə görüşüb.

Müdafiə Nazirliyindən ÇıxışYolu.Com-a verilən məlumata görə, əvvəlcə təkbətək, sonra isə nümayəndə heyətlərinin iştirakı ilə geniş tərkibdə keçirilən görüşdə vurğulanıb ki, Azərbaycanla Türkiyə arasında hərbi əməkdaşlıq ikitərəfli əsasda və NATO tərəfindən həyata keçirilən proqramlar çərçivəsində aparılır.

Qeyd olunub ki, dostluq və qardaşlıq münasibətləri üzərində qurulan Azərbaycan-Türkiyə strateji tərəfdaşlığı daim inkişaf edir.

Görüşdə regional təhlükəsizlik, Azərbaycanla Türkiyə arasında hərbi əlaqələrin əsas istiqamətləri, hərbi, hərbi-texniki, hərbi təhsil və hərbi tibb sahələrində əməkdaşlığın inkişaf etdirilməsi, birgə təlimlərin keçirilməsi, ekspert qruplarının qarşılıqlı səfərlərinin təşkili, eləcə də, maraq doğuran digər məsələlər müzakirə olunub.

www.ÇıxışYolu.Com