NATO ölkələri ilk dəfə Baltik dənizində təlimlər keçirəcək
Şimali Atlantika Alyansı ölkələri və tərəfdaşları Baltik dənizində geniş
miqyaslı hərbi dəniz təlimləri keçirəcəklər. İlk dəfə olaraq bu bölgədə
Rusiyanın hücumu halında ediləcək hərəkətlərin üzərində işlənəcək.
Bu barədə Almaniya Hərbi Dəniz Qüvvələri (HDQ) baş komandanı, vitse-admiral
Yan Kristian Kaak bildirib.
“Biz Rusiyaya ayıq-sayıq olmaq üçün açıq-aydın siqnal göndəririk: Biz varkən –
olmaz. Etibarlı çəkindirmə hücum ehtimalını ehtiva etməlidir”, – deyə o
bildirib.
Sentyabrın 9-da başlayacaq iki həftəlik “Şimal Sahil” təlimində Baltik
dənizində yerləşən bütün NATO ölkələrinin hərbi qulluqçuları iştirak edəcək.
Bundan əlavə, təlimlərdə tezliklə NATO-ya üzv olacaq İsveç, ABŞ, Kanada,
Niderland, Belçika və Fransa da iştirak edəcək.
Onlar dənizdən quruya amfibiya əməliyyatları və zərbələrin üzərində
işləyəcəklər.
Kaakın sözlərinə görə ABŞ HDQ təlimlər üçün təxminən 800 dəniz piyadasını
amfibiya desantı zamanı daşımaq və endirmək üçün nəzərdə tutulmuş 200 metrdən
uzun olan Mesa Verde gəmisini göndərəcək.
Baltik dənizindən keçən dəniz yollarının təhlükəsizliyinin təmin edilməsi
Latviya və Estoniya sahillərində keçiriləcək təlimlərin digər istiqamətidir.
“Finlandiya və Baltikyanı ölkələr demək olar ki, 100% Baltik dənizindən keçən
dəniz təchizat yollarından asılıdır. “Suvalki” dəhlizi bağlanarsa – və bunu
etmək asandır, çünki orada cəmi iki yol və bir dəmir yolu xətti var – o zaman
bizim istifadəmizdə yalnız dəniz yolları olacaq və biz yolumuzu məhz onlar
vasitəsilə çəkməli olacağıq”, deyə Alman vitse-admiralı bildirib.
Mənbə: “RBC-Ukrayna”