Naxçıvanda ustanın qolunu elektrik mişarı kəsib
Naxçıvanda usta iş vaxtı xəsarət alıb.
APA xəbər verir ki, marketdə çalışan 1987-ci il təvəllüdlü Naxçıvan şəhər
sakini İlkin Əhmədxanovun qolunu elektrik mişarı kəsib.
O, Naxçıvan Muxtar Respublika Xəstəxanasına yerləşdirilib. Lakin vəziyyəti
ağır olduğundan Bakı şəhərinə aparılıb.
Digər bənzər hadisə dünən gecə saatlarında baş verib. Şirkətlərin birində
çalışan 1968-ci il təvəllüdlü Naxçıvan şəhər sakini Rəsul Bağırovun əli dəzgaha
düşüb. Ciddi xəsarət alan Rəsul Bağırov da təcili olaraq Bakı şəhərinə aparılıb.
Hər iki faktla bağlı araşdırma aparılır.