Naxçıvanın dövlət büdcəsi layihəsinin müzakirəsi keçirilib – FOTO
Bizim WhatsApp kanalımıza buradan abunə ola bilərsiniz
Naxçıvan Muxtar Respublikası Nazirlər Kabinetində 2024-cü il dövlət büdcəsi
layihəsinin müzakirəsi keçirilib.
Naxçıvan Muxtar Respublikası Nazirlər Kabinetinin Mətbuat Xidmətindən verilən
məlumata görə, Baş nazir Səbuhi Məmmədov çıxış edərək bildirib ki, 2024-cü il
üçün Naxçıvan Muxtar Respublikası dövlət büdcəsinin gəlirlərinin 173 105 000
manat məbləğində proqnozlaşdırıldığını bildirib. Qeyd edib ki, bu da 2023-cü
ilin təsdiq olunmuş büdcə gəlirləri ilə müqayisədə 20 883 000 manat və ya 13,7
faiz çoxdur.
Onun sözlərinə görə, 2024-cü ildə Naxçıvan Muxtar Respublikası dövlət
büdcəsinin gəlir və xərclərini tənzimləmək üçün Azərbaycan Respublikası dövlət
büdcəsindən 343 260 000 manat dotasiya ayrılması nəzərdə tutulub:
“Dotasiya büdcə xərclərinin 66,5 faizini təşkil etməklə 2023-cü ilin büdcəsi
ilə müqayisədə 109 531 000 manat və ya 24,2 faiz az nəzərdə tutulur. 2024-cü
ildə Naxçıvan Muxtar Respublikası dövlət büdcəsinin xərcləri 516 365 000 manat
məbləğində proqnozlaşdırılır ki, bu da 2023-cü ilin büdcəsi ilə müqayisədə 88
648 000 manat və ya 14,7 faiz azdır. İqtisadi təsnifata uyğun olaraq 2024-cü il
Naxçıvan Muxtar Respublikası dövlət büdcəsində əməyin ödənişinə 328 080 074
manat və ya xərclərin 63,5 faizi həcmində, malların (işlərin və xidmətlərin)
satın alınmasına 82 498 379 manat və ya xərclərin 16 faizi həcmində,
subsidiyaların ödənilməsinə 32 306 544 manat və ya xərclərin 6,3 faizi
həcmində, qrantlar və digər ödənişlərə 9 969 756 manat və ya xərclərin 1,9
faizi həcmində, sosial ödənişlərə 5 838197 manat və ya xərclərin 1,1 faizi
həcmində, qeyri-maliyyə aktivlərinin alınmasına 57 672 050 manat və ya
xərclərin 11,2 faizi həcmində vəsait proqnozlaşdırılır”.
Sonra Naxçıvan Muxtar Respublikası maliyyə nazirinin müavini-nazir
vəzifələrini müvəqqəti icra edən Həsən İsmayılovun, iqtisadiyyat naziri Tapdıq
Əliyevin, Dövlət Vergi Xidmətinin rəisi Abbas İsmayılovun, əmək və əhalinin
sosial müdafiəsi naziri Ceyhun Cəlilovun müzakirə ətrafında çıxışları
dinlənilib.
