Nazir müavini: “Azərbaycan mədəniyyətinin dünyada tanıdılması üçün böyük işlər
görülür”
“Azərbaycan Mədəniyyət Strategiyası – 2040” sənədi üzərində işlər gedir”.
Cixisyolu.com-ın məlumatına görə, bunu “Azərbaycan teatrı – 150: inkişaf
perspektivləri” mövzusunda keçirilən Teatr forumunda mədəniyyət naziri
vəzifəsini müvəqqəti icra edən, nazirin birinci müavini Adil Kərimli bildirib.
Onun sözlərinə görə, Azərbaycan mədəniyyətinin dünyada tanıdılması üçün böyük
işlər görülür:
“Bu tədbirlərin həyata keçirilməsində Heydər Əliyev Fondunun və Mehriban
Əliyevanın xüsusi əməyi var. Teatr hər zaman yenilənməli, çağdaş dövrə
uyğunlaşmalıdır. Bu forumun məqsədi teatrın problemlərini və perspektivlərini
müzakirə etməkdir”.
O qeyd edib ki, aprelin 20-22- də Kino Forumu keçiriləcək.
İlhamə Əbülfət