Nazirlikdən Gəncə şəhər stadionu ilə bağlı AÇIQLAMA
Gənclər və İdman Nazirliyi Gəncə şəhər stadionunun ot örtüyünün yararsız hala
düşməsi ilə bağlı açıqlama yayıb.
Bildirilib ki, arena “Kəpəz” klubunun istifadəsinə verilib:
“Gəncə şəhər stadionu Gəncə Şəhər Gənclər və İdman Baş İdarəsinin balansında
olsa da, “Kəpəz” futbol klubunun istifadəsinə verilib. Buna görə də stadiona
xidmət məsələləri, o cümlədən də öt örtüyünün saxlanması və qulluq məsələləri
klubun öhdəliyindədir”.
Xatırladaq ki, son günlər Gəncə şəhər stadionunun ot örtüyünün yararsız hala
düşməsi müzakirə mövzusuna çevrilib.