2018/2019 mövsümünün transfer hazırlıqlarına başlayan “Neftçi” PFK heyətinə yeni futbolçu cəlb edib.
ÇıxışYolu.Com xəbər verir ki, dayaq yarımmüdafiəçisi olan Soni Mustivar ilə növbəti mövsümün sonunadək müqavilə imzalanıb.
Fransada dünyaya gələn Mustivar bu ölkənin 20 yaşadək futbolçulardan ibarət yığmasında, “Bastiya” və “Orlean” klublarında çıxış edib. Rumıniyanın “Petrolul” və ABŞ-ın “Sportinq Kanzas Siti” klublarında legioner həyatı yaşamış 28 yaşlı futbolçu 2013-cü ildən Haiti milli komandasının şərəfini qoruyur.
Mustivar Haiti millisində cəmi doqquz oyuna çıxıb. O, “Petrolul”la Rumıniya kubokunun, “Sportinq Kanzas Siti” ilə isə ABŞ açıq kubokunun qalibi olub.
Qeyd edək ki, Soni Mustivar Liqa 1-də çıxış edən “Petrolul”un heyətində 94, MLS təmsilçisi olan sonuncu klubu “Sportinq Kanzas Siti”də isə 76 oyun keçirib.
S.T.
www.ÇıxışYolu.Com