Bakıda dövlət səviyyəsində keçiriləcək Novruz şənlikləri ilə əlaqədar bir sıra küçə və prospektlərdə hərəkət tam məhdudlaşdırılacaq.
Bunu ÇıxışYolu.Com-a Daxili İşlər Nazirliyi (DİN) Bakı Şəhər Baş Polis İdarəsinin Dövlət Yol Polisi İdarəsinin (BŞDYPİ) İctimai qurumlarla əlaqə bölməsinin rəisi, polis polkovniki Vaqif Əsədov deyib.
Bölmə rəisi qeyd edib ki, bayram şənlikləri ilə əlaqədar martın 19-da saat paytaxtın Neftçilər prospekti istiqamətində kəsişən bütün küçə və prospektlərdə nəqliyyatın hərəkətinə tədbir tam başa çatanadək məhdudiyyət qoyulacaq, istiqamət dəyişdiriləcək:
“Qoşa Qala qapısının önündən başlanan tədbir daha sonra İçərişəhər, Neftçilər prospekti, dənizkənarı bulvar boyu və digər yaxın ərazilərdə keçiriləcək. Bunu nəzərə alaraq, paytaxtın qeyd edilən hissəsinə doğru Bakı-Astara yolunun 14-cü km-dən, 20-ci Sahə dairəsindən, “Bayrağ meydanı” “Dalğa Plaza” inzibati binasının yanından avtomobillərin hərəkətinə məhdudiyyətlər qoyulmaqla istiqamətlər dəyişdiriləcək:”.
V.Əsədov bildirib ki, paytaxt sakinlərindən, sürücü və piyadalardan, Novruz şənliyinə qatılmaq istəyən şəxslərdən xahiş olunur ki, bunu nəzərə alıb həmin istiqamətlərdə yalnız ictimai nəqliyyat vasitələrində istifadəyə üstünlük versinlər.