Oğuzda “Ford” markalı yük avtomobili “Kamaz”a çırpılıb, xəsarət alan var.
ÇıxışYolu.Com-ın bölgə müxbiri xəbər verir ki, hadisə axşam saatlarında rayonun Kərimli kəndi ərazisində baş verib.
Hərəkətdə olan “Ford” markalı xırdatutumlu yük avtomobili qarşıda gedən “Kamaz”a arxadan çırpılıb.
Nəticədə “Ford”un sürücüsü aldığı ağır bədən xəsarətləri ilə Şəki Rayon Mərkəzi Xəstəxanasına çatdırılıb.
Xəstəxanadan bildirilib ki, yaralı hazırda müayinə olunur.
Faktla bağlı araşdırma aparılır.
