Bakıya ilk dəfə gəlmirəm. 17 yaşadək futbolçular arasında Azərbaycanda təşkil olunan dünya çempionatı zamanı Serbiya millisinin baş məşqçisi kimi səfər etmişdim.
ÇıxışYolu.Com-ın xəbərinə görə, bu sözləri Sloveniyanın “Olimpiya” komandasının baş məşqçisi İliya Stolitsa Çempionlar Liqasının I təsnifat mərhələsində “Qarabağ”la sabah keçirəcəkləri cavab oyunundan əvvəl mətbuat konfransında deyib.
Baş məşqçi bildirib ki, “Qarabağ”ın bütün yoldaşlıq matçlarına baxıb:
“Rəqibə hansısa sürpriz etməyi düşünmürəm. Biz daim öz oyun üslubumuzu yaxşılaşdırmaq haqqında fikirləşirik. Cavab matçında daha yaxşı çıxış etməyi planlaşdırırıq”.