OPEC ölkələrindəki neft hasilatı Birləşmiş Ərəb Əmirliklərində bir sıra texniki işlər və Venesuelada davam edən istehsal məhdudiyyətləri səbəbindən fevral ayında son 10 ayın ən aşağı səviyyəsinə düşüb.
ÇıxışYolu.Com “Bloomberg”-ə istinadən xəbər verir ki, 14 OPEC üzvü ölkənin istehsal həcmi fevral ayında 80 000 barel azalıb. Nəticədə gündəlik hasilat 32,28 milyon barelə düşüb.
Belə ki, Səudiyyə Ərəbistanı hasilatı 80 min barel/gün, Birləşmiş Ərəb Əmirlikləri (BƏƏ) 50 min barel/gün, Venesuela isə 30 min barel/gün azaldıb. Liviya isə hasilatı 70 min barel/gün və yaxud 7,1% artıraraq 1,05 mln. barel/günə çatdırıb.