Ötən il istehlakçılara milyonlarla manat ƏDV qaytarılıb
Bizim WhatsApp kanalımıza buradan abunə ola bilərsiniz
2023-cü il ərzində fiziki şəxs olan istehlakçılar tərəfindən ölkə ərazisində
pərakəndə ticarət, ictimai iaşə və tibb fəaliyyəti göstərən şəxslərdən alınmış
mallara (neft və qaz məhsulları, avtomobillər, alkoqollu içkilər və tütün
məmulatları istisna olmaqla) və göstərilmiş xidmətlərə görə ödənilmiş ƏDV-nin
154 milyon 178,8 min manatı geri qaytarılıb.
Bu barədə Dövlət Vergi Xidməti məlumat yayıb.
Qeyd olunub ki, ölkəmizdə bir sıra sahələrdə malların alışı və xidmətlərin
göstərilməsi zamanı ƏDV məbləğinin nağdsız ödənişlər üzrə 17,5 faizi, nağd
ödənişlər üzrə isə 5 faizi müvəkkil bank tərəfindən istehlakçılara geri
qaytarılır.