Özbəkistan qarışıq seçki sisteminə keçir
Bizim WhatsApp kanalımıza buradan abunə ola bilərsiniz
Özbəkistan Prezidenti Şavkat Mirziyoyev respublikada majoritar seçki
sistemindən majoritar-proporsional seçki sisteminə keçidi nəzərdə tutan
konstitusiya qanununu imzalayıb.
Oktyabrın 31-də Özbəkistan Parlamentinin Qanunvericilik (aşağı) Palatası
tərəfindən qəbul edilən və noyabrın 24-də Senat tərəfindən təsdiqlənən qanun
çərşənbə axşamı ölkənin parlament nəşrlərində dərc edilib və bununla da qüvvəyə
minib.
Qanuna əsasən, Qanunvericilik Palatasına seçkilər qarışıq
(majoritar-proporsional) seçki sistemi əsasında keçirilir. Birmandatlı və tək
seçki dairələri nəzərdə tutulur, aşağı palatanın 75 deputatı majoritar seçki
sistemi ilə birmandatlı dairələrdən, qalan 75 deputat isə proporsional seçki
sistemi (partiya siyahısı) əsasında siyasi partiyalara verilən səslər əsasında
vahid dairədən seçilir.
Qeyd edək ki, Özbəkistanın Qanunvericilik Palatası 150 deputatdan ibarətdir.
Hazırda ölkədə beş siyasi partiya fəaliyyət göstərir.
Mənbə: interfax.ru