Pəncşir əyalətində “Taliban”la yerli qüvvələr arasında döyüşlər gedir
Əfqanıstanın Pəncşir əyalətində ölkədə hakimiyyəti ələ keçirmiş radikal
“Taliban” hərəkatının silahlıları ilə Milli Müqavimət Cəbhəsinin döyüşçüləri
arasında silahlı toqquşmalar başlayıb.
Bu barədə cümə günü yerli “Aamaj News” agentliyi bölgədəki mənbələrə istinadən
məlumat yayıb.
Qeyd olunduğu kimi, Həmid Xorasaninin komandanlığı altında radikal qruplar
Ünəba bölgəsində yerli qüvvələrə hücum edib. Tərəflərin itkiləri ilə bağlı
hələlik məlumat verilmir.
Mənbə: TASS