PA rəsmisi: “Kibertəhlükəsizlik üzrə indeksdə Azərbaycan 15 pillə irəliləyib”
“Beynəlxalq Telekommunikasiya İttifaqının 2020-ci ildə hazırladığı sonuncu
Kibertəhlükəsizlik üzrə indeksdə Azərbaycan 169 ölkə arasında 15 pillə
irəliləyərək 40-cı yerə yüksəlib”.
APA xəbər verir ki, bunu Azərbaycan Respublikası Prezident Administrasiyasının
Qeyri-hökumət təşkilatları ilə iş və kommunikasiya şöbəsinin sektor müdiri
Elmir Vəlizadə “Azərbaycanda Kibercinayət və Kibertəhlükəsizlik barometri” ilə
bağlı keçirilən konfransda bildirib.
“Müqayisə üçün qeyd edək ki, bu hesabatda İsrail 36-cı, İsveçrə 42-ci,
Gürcüstan 55-ci mövqedə yer tutub”, – deyə Elmir Vəlizadə vurğulayıb.