Pakistanda silsilə partlayışlar: 5 nəfər ölüb, 15 nəfər yaralanıb
Pakistanın cənub-qərbində yerləşən Bəlucistan əyalətində qumbaraatanlarla
edilən silsilə hücumlar nəticəsində azı 5 təhlükəsizlik əməkdaşı ölüb, 15 nəfər
yaralanıb.
Məlumata görə, son sutka ərzində əyalətdə beş belə terror aktı qeydə alınıb.
Hücumların hədəfinin insident bölgələrindəki Pakistanın hüquq-mühafizə və
təhlükəsizlik qüvvələrinin üzvləri olduğu iddia edilir.
Hələlik bölgədə fəaliyyət göstərən heç bir ekstremist qruplaşma hücumlara görə
məsuliyyəti üzərinə götürməyib.
Mənbə: TASS