Azərbaycanın paracüdo üzrə millisi İtaliyanın Genuya şəhərində keçirilən Avropa çempionatının ilk günündə beş medal qazanıb.
ÇıxışYolu.Com xəbər verir ki, qızlar arasında 57 kq çəki dərəcəsində Sevda Vəliyeva gümüş, 52 kq çəki dərəcəsində Səbinə Abdullayeva bürünc medala yiyələnib.
Kişilər arasında yarışda isə 66 kq çəki dərəcəsində Bayram Mustafayev gümüş, Namiq Abbaslı bürünc və 73 kq çəki dərəcəsində Ramil Qasımov bürünc medallara layiq görülüb.
Beləliklə, yarışın ilk günü iki gümüş və üç bürünc medal qazanmaqla milli komandamız medal sayına görə I yerdə qərarlaşıb.
Səbuhi Musayev