Ermənistanda etiraz hərəkatının lideri Nikol Paşinyan hökuməti heç bir halda mitinq iştirakçılarının üzərinə ordu göndərməməyə çağırıb.
ÇıxışYolu.Com xəbər verir ki, bunu müxalifətçi deputat AP-yə verdiyi müsahibədə bildirib.
“Polis və təhlükəsizlik qüvvələri bitərəfliyi qoruyub saxlayır. Hakimiyyət qoşunları Yerevana səfərbər etsə, bütün əsgərlər bizim tərəfimizə keçəcək, bizə qoşulacaqlar. Güc tətbiq etməklə böhranın həlli yolunu tapmaq mümkün deyil”, – deyə Paşinyan bildirib.
Paşinyanın sözlərinə görə, hazırda müxalifətin fəaliyyəti, baş nazir seçkisindən əvvəlki günlərlə müqayisədə əhəmiyyətli dərəcədə genişlənib.